FLASH
Shkruar nga Pamfleti
Një nga transferimet më të mëdha të verës është bërë zyrtare, Viktor Gyokeres është lojtar i ri i Arsenalit.
Ai ka qenë i lidhur me klube italiane për njëfarë kohe, veçanërisht me Juventusin, por sot është prezantuar nga “Topçinjtë”:
“Jemi të kënaqur të njoftojmë se sulmuesi suedez Viktor Giokeres ka nënshkruar një kontratë afatgjatë me ne. Sulmuesi 27-vjeçar na bashkohet nga Sportingu i Lisbonës, ku shënoi një shifër të pabesueshme prej 97 golash në 102 paraqitje.”
Gjatë dy sezoneve të tij me Sportingun, Viktor ndihmoi ekipin të fitonte dy tituj radhazi në Primeira Liga dhe një kupë të Portugalisë, dhe ishte golashënuesi më i mirë i ligës në të dy sezonet. Ai gjithashtu shkëlqeu në nivel ndërkombëtar, duke shënuar 12 gola në 17 paraqitjet e tij të fundit për Suedinë. I lindur në Stokholm, Viktor e filloi karrierën e tij në IF Bromapojkarna, ku u zhvillua përmes sistemit të të rinjve, duke shënuar 32 gola në 31 paraqitje në nivelet nën-19 dhe nën-21 vjeç dhe duke debutuar me ekipin kombëtar të të rinjve në moshën 17 vjeç.
Në janar të vitit 2018, golashënuesi iu bashkua Brajtonit, ku kaloi periudha huazimi te Suonsi Siti, St. Pauli dhe Koventri Siti, përpara se të transferohej te Sportingu në vitin 2021 dhe t’i ndihmonte ata të arrinin në finalen e play-off të Kampionatit në vitin 2023.
Ai do të veshë fanelën me numër 14 dhe do t’i bashkohet menjëherë skuadrës për turneun parasezonal në Azi.
Welcome to Arsenal, Viktor Gyökeres ????
— Arsenal (@Arsenal) July 26, 2025
Lini një Përgjigje