FLASH
Shkruar nga Pamfleti
Braziliani Endrik, 18-vjeçari i cili luan për Realin e Madridit, është martuar me partneren e tij Gabriel Mirandi në Spanjë.
Çifti janë në një marrëdhënie prej më pak se një vit, por tashmë i kanë dhënë fund beqarisë dhe lajmin e kanë zbuluar me anë të disa fotove të publikuara në rrjetet sociale.
Modelja braziliane, e cila është tre vjet më e madhe se futbollisti, shkroi në Instagram: “Mateu 19:6: “Pra, ata nuk janë më dy, por një mish i vetëm. Prandaj atë që Zoti ka bashkuar askush nuk mund ta ndajë. Më në fund u martuam.”
Çifti nuk e kishin bërë të ditur martesën e tyre, derisa publikuan fotot në Instagram, ku tregonin unazat e martesës në gisht.
Endrik ka treguar më parë se ka një “kontratë” me partnerin e tij, e cila përfshinte ndalime të ndryshme dhe nevojën për të thënë “të dua” sa herë që të jetë e mundur.
Ka disa klauzola më serioze, duke përfshirë ndalimin e çdo forme të varësisë dhe ndryshimet drastike në sjellje.
Endrik, në atë kohë, shpjegoi: “Kushdo që nuk e zbaton këtë, kur të vijë fundi i muajit, duhet t’i japë tjetrit atë që dëshiron. Unë kërkova kufje Apple dhe ajo m’i bleu”.
Miranda hodhi më tej dritë mbi ‘klauzolat’ e përfshira në kontratën e tyre, të cilat ajo i ka përshkruar si një “marrëdhënie emocionale vullnetare” të bazuar në “respekt, mirëkuptim dhe dashuri”.
Endrik mendohet të bëhet një nga emrat më të mëdhenj të futbollit gjatë viteve të ardhshme, me Realin e Madridit që ra dakord për një marrëveshje me vlerë rreth 50 milionë euro kur ai ishte vetëm 16 vjeç.
Lini një Përgjigje