FLASH
Shkruar nga Pamfleti
Edicioni i 86-të i kampionatit shqiptar, ngriti siparin këtë të diel, me dy ndeshje interesante.
Egnatia triumfoi me rezultatin 2-0 ndaj Dinamo City, në takimin e zhvilluar në “Elbasan Arena”.
Pjesa e parë u mbyll me rrjeta të paprekura, ndërsa në të dytën, kampionët në fuqi shënuan dy herë.
Vuthaj zhbllokoi sfidën në minutën e 47-të me penallti, ndërsa Lushkja dyfishoi shifrat në minutën e 69-të.
Rezultati nuk ndryshoi deri në fund, me Egnatian që mori tre pikët e para dhe Dinamo City që e nis me humbje.
Në sfidën tjetër në Durrës, Teuta mposhti Bylisin me përmbysje me rezultatin 2-1.
Ballshiotët kaluan të parët në avantazh me Ëalisson në minutën e 14-të, ndërsa Vila barazoi shifrat për durrsakët në minutën e 21-të.
Pak sekonda nga fundi, Teuta ia doli të shënojë golin e përmbysjes dhe të fitores me autor përsëri Emiljano Vilën, për të marrë fitoren e parë.
REZULTATET:
DINAMO 0-2 EGNATIA
Vuthaj (P) 47’, Lushkja 69’
TEUTA 2-1 BYLIS
Vila 21’, 89’ / Walisson 14’
Lini një Përgjigje