FLASH
Shkruar nga Pamfleti
Zhbllokohet ndeshja që po luhet në “Air Albania”. BATE Borisov ndëshkon Partizanin në momentin më të mirë të të kuqve. Bjellorusët kaluan në avantazh në minutën e 58. Pas një harkimi nga e djathta, Qirko ndali gjuajtjen e Malkeviç me kokë e pastaj Antilevski dërgoi topin në rrjetë.
10 minuta më vonë, Partizani barazoi shifrat. Pas një goditje nga këndi, topi shkoi te Murataj, i cili e dërgoi te Cara, me këtë të fundit që tundi rrjetën.
Të kuqtë dominuan 45 minutat e para, duke u shfaqur shumë të rrezikshëm në kërkim të golit.
Në minutën e 4, vendasit provuan me Carën, por ky i fundit nuk ia doli të godiste, me portierin e skuadrës bjelloruse që kontrolloi topin! 4 minuta më vonë, ishte sërish Cara që provoi, por goditja e tij ishte qendrore.
Në minutën e 15, Rrapaj tentoi nga distanca, por nuk gjeti kuadratin e mbrojtur nga Kudravets. 2 minuta më pas, Artem Kontsevoj flirtoi me golin. Futbollisti bjellorus nuk gjuajti mirë nga një pozicion i vështirë, shumë afër portës.
Në minutën e 20, Murataj iu afrua golit me një predhë, por gjuajtja e mesfushorit shkoi shumë afër shtyllës. Në minutën e 30, Partizani u shfaq në sulm, por Da Silva nuk u koordinua mirë me kokë.
Lini një Përgjigje