FLASH
Shkruar nga Pamfleti
Sa më lart të ngjitesh, aq më i tmerrshëm është rrëzimi. Këtë ndoshta mund ta provojë Mançester Siti, dhe një ekspert i financave në futboll paralajmëron për një goditje të rëndë.
Akademiku Kieran Megajër ka folur në mediat angleze dhe ka parashikuar se për shkak se kampionët e Anglisë kanë mbi vete 115 akuza në gjyq, ndëshkimi për ta do të jetë i ashpër.
Parashikimi i tij është që ekipit të Pep Guardiolës do t’i zbriten nga 60 deri në 100 pikë.
Kjo do të thotë rënie thuajse e sigurt nga kategoria, madje edhe sikur t’i hiqen vetëm 60 pikë, e për më tepër Siti nuk po shkëlqen këtë sezon në Premier Ligë.
Megajër kujton se Notingem Forest u dënua me heqje të katër pikëve në renditje, dhe Evertoni me dy pikë, ndonëse ata akuzoheshin për shumë herë më pak faje sesa Siti.
Klubi që është nën pronësinë e sheikëve nga Lindja e Mesme, besohet se ka shkelur në mënyrë të theksuar dhe të përsëritur rregullat financiare të futbollit, qoftë në pagesën e lojtarëve, në kontratat e sponsorizimeve dhe në raportet financiare që i janë paraqitur Premier Ligës.
Po mbushen gati dy vjet që organizatorët e kampionatit anglez kanë nisur gjyqin ndaj ekipit që mban titullin.
Lini një Përgjigje