FLASH
Shkruar nga Pamfleti
Kombëtarja shqiptare U-21 do të zhvillojë më 8 qershor një ndeshje miqësore ndaj Italisë U-21, por kundërshtari që do të zbresë në fushë nuk do të jetë formacioni i zakonshëm i të rinjve italianë.
Sipas vendimit të trajnerit Silvio Baldini, një pjesë e lojtarëve kryesorë të Italisë U-21 janë grumbulluar me përfaqësuesen A për ndeshjet ndaj Greqisë dhe Luksemburgut. Për këtë arsye, skuadra që do të përballet me Shqipërinë do të jetë një version alternativ i Italisë U-21.
Drejtimi i ekipit për këtë miqësore i është besuar trajnerit të Italisë U-20, Karmine Nunciata, i cili ka përzgjedhur kryesisht lojtarë të rinj dhe alternativa të zakonshme të ekipit U-21. Shumë prej tyre aktivizohen në akademitë e klubeve italiane ose luajnë në Serinë B dhe Serinë C.
Mes emrave të grumbulluar bie në sy edhe një futbollist me origjinë shqiptare. Kristian Cama, mbrojtësi i Romës, është pjesë e listës së Italisë. Edhe pse me origjinë shqiptare, ai ka zgjedhur të përfaqësojë Italinë dhe prej vitesh aktivizohet me kombëtaret e moshave të këtij vendi.
Lista e Italisë U21:
Portierë: Diego Maskardi (Specia), Lapo Siviero (Torino), Lorenco Torriani (Milan)
Mbrojtës: Uisdom Amej (Pianese), Adam Bakoune (Monza), Gabriele Kalvani (Frozinone), Kristian Cama (Roma), Nikolo Fortini (Fiorentina), Gabriele Guarino (Empoli), Brando Moruci (Empoli), Xhakomo Stabile (Bari).
Mesfushorë: Tomaso Berti (Çezena), Aron Çiamaljikela (Juve Stabia), Leonardo Kolombo (Monza), Matia Manini (Juve Stabia), Fabio Rispoli (Katanzaro), Kevin Zeroli (Juve Stabia)
Sulmues: Gabriele Alesi (Katanzaro), Mateo Lavelli (Inter), Alvin Okoro (Juve Stabia), Simone Pafundi (Sampdoria), Emanuele Rao (Bari), Dominik Vavasori (Atalanta).
Lini një Përgjigje