FLASH
Shkruar nga Pamfleti
Federata Shqiptare e Futbollit ka nxjerrë në shitje biletat për ndeshjen ndaj Polonisë në “Air Albania”, e cila do të zhvillohet më 10 shtator.
FSHF mesa duket ka shfrytëzuar interesin e jashtëzakonshëm që kanë tifozët kuqezi për dy sfidat e shtatorit, për të rritur në stratosferë çmimet e biletave, të cilat si asnjëherë më parë janë nxjerrë në shitje dy muaj para takimi.
Një biletë pas porte, e cila është më e lira, kushton 2 mijë lekë. Kujtojmë këtu që në ndeshjen ndaj Moldavisë, bileta në këtë sektor kushtonte vetëm 750 lekë. Ndërkohë, në tribunat E, një biletë do t’u kushtojë tifozëve 6 mijë lekë.
Pas 3 ndeshjeve të para në grup, Shqipëria mban vendin e dytë në grup, me 6 pikë, një më pak se Çekia e vendit të parë, kjo i bën dy ndeshjet e radhës tepër të rëndësishme për kualifikimin e Shqipërisë.
Lini një Përgjigje