FLASH
Shkruar nga Pamfleti
Reali i Madridit thuhet se ka zgjedhur të vendosë Kilian Mbape në rolin e nëntës pas transferimit të yllit të PSG në “Santiago Bernabeu” këtë verë.
Mbape, i cili ka qenë i lidhur me “Los Blancos” në vitet e fundit, pritet të largohet nga PSG dhe t’i bashkohet skuadrës së La Ligas me kosto zero këtë verë.
Një njoftim thuhet se do të bëhet pas finales së Champions League në “Wembley” më 1 qershor.
Mbape ka të ngjarë të fitojë një pagë fikse nga 15 milionë euro në vit deri në 20 milionë euro në vit te Reali i Madridit. Sulmuesi 25-vjeçar pritet të nënshkruajë një marrëveshje pesëvjeçare.
Tani, sipas “Diario AS”, Reali i Madridit ka marrë një vendim për rolin e preferuar të yllit në sistemin e tyre sezonin e ardhshëm. Ata do ta vënë fituesin e Kupës së Botës 2018 në qendër të sulmit me Vinisius Zhunior dhe Rodrigo në krahë.
Mbape, i cili është i aftë për të operuar në krahun e majtë kur kërkohet, mendohet se është i gatshëm të pranojë rolin numër nëntë te “Los Baloncos”.
Ai shpreson të shfrytëzojë sa më shumë rolin e tij si qendërsulmues dhe të rrisë numrin e golave me ndihmën e mesfushorëve si Xhud Belingam.
Një burim i afërt me francezin zbuloi së fundmi për “Diario AS”:
“Kilian e di se të qenit në Madrid do ta bëjë shumë më të lehtë për të që të fitojë Champions League dhe Topin e Artë. Dhe nëse ai gjithashtu fiton Këpucën e Artë, aq më mirë për të. Duke luajtur si nëntë në Madrid, ai mund të shënojë shumë gola”.
Lini një Përgjigje