FLASH
Shkruar nga Pamfleti
Rreth 20 mijë shqiptarë ishin të pranishëm në stadiumin e “Wembley” në Londër, ku u luajt ndeshja kualifikuese për Botërorin mes Shqipërisë dhe Anglisë.
Shqiptarët në pankartat dhe banderolat e ndryshme që shpalosën në stadium nuk ngurruan të shfaqnin edhe preferencat e tyre politike.
“Rama ik, Diaspora zgjedh atdheun”, thuhet në banderolën e shfaqur nga një tifoz kuq e zi në stadiumin londinez.
Ndeshja u mbyll 2-0 për Anglinë.
Britanikët zhbllokuan ndeshjen në minutën e 20. Me debutuesin Ljuis Skelli. Asani pa t’i ikte pas shpinës futbollisti anglez, i cili nuk gaboi para Strakoshës duke i kaluar topin mes këmbëve.
Në minutën e 78, kuqezinjtë pësuan golin e kapitullimit. Kejn nuk u mbulua mirë nga Ajeti dhe e shmangu atë, teksa gjuajtja e sulmuesit ishte e pakapshme për Strakoshën.
Sapo hyri në fushë Armando Broja, loja mori tjetër rrjedhë për djemtë e Silvinjos.
Në minutën e 66, Broja vuri menjëherë në vështirësi Bërn me shpejtësinë e tij nga e djathta, por topi shkoi te Pikford para se të arrint ta gjuante.
3 minuta më vonë, Broja shmangu një mbrojtës me shpejtësi dhe krijoi hapësirë, por pastaj nuk pason siç duhej tek Asani.
Të hënën, kombëtarja shqiptare do të luajë ndeshjen e dytë për kualifikueset e Kampionatit Botëror 2026. Kuqezinjtë do të përballen në "Air Albania" me Andorrën në orën 20:45. Kuqezinjtë do të kërkojnë me çdo kusht 3 pikët për të shpresuar tek kualifikimi në Botëror.
Lini një Përgjigje