FLASH
Shkruar nga Pamfleti
Bajerni i Mynihut po kalon një moment të vështirë jo vetëm në kampionat, por edhe jashtë saj. Pas eliminimit nga Champions League dhe Kupa e Gjermanisë, tashmë rrezikojnë edhe kampionatin ndërkohë që së fundmi, një tjetër problem ka “trokitur” në dyert e klubit bavarez.
Policia gjermane ka pushtuar stadiumin “Allianz Arena” si edhe zyrat e klubit. Sipas asaj që raporton gjermanja “Bild”, Zyra Federale e Policisë Kriminale në bashkëpunim me Zyrën e Policisë Kriminale të Bavarisë po bëjnë kontrolle për të gjetur prova të mundshme në lidhje me dyshimin për pastrim parash dhe ku përfshihet oligarku rus, Alisher Usmanov.
Usmanov është mik i presidentit të nderit të kampionëve të Gjermanisë, Uli Hënes dhe marrëdhënia mes tyre është shumë e ngushtë. Kjo ka bërë që të ketë dyshime që Usmanov të ketë lëvizur paratë e tij, në mënyrë që të shmangë taksat që duhet të paguajë. Dyshimet vijnë edhe për shkak se klubi bavarez i ka dhuruar shpesh herë bileta për të ndjekur ndeshjet falas.
Lini një Përgjigje