FLASH
Shkruar nga Pamfleti
Ishin padyshim sfida plot surpriza, sidomos ajo e “Anfield Road”, mes Liverpulit dhe Notingem Forestit, me këta të fundit që kanë shtangur “Të Kuqtë” e Arne Slot, duke i mundur minimalisht, 0-1.
Goli i vetëm i sfidës erdhi në minutën e 72, me ish-talentin e “Bluve”, Kallum Hodson Odoi, që përktheu në gol një pasim perfekt të Elanga, duke “prezantuar” Liverpulin me humbjen e parë të sezonit.
Në orën 16:00 zhvilluan përballjen e javës së katërt edhe “Qytetarët” e Mançester Sitit, ku ndryshe nga rivalët e tyre bënë detyrën në “shtëpi”, duke mundur me përmbysje skuadrën e Brentfordit, me sfidën që u mbyll me shifrat 2-1.
Për miqtë e Brentfordit goli erdhi nga kongolezi Joan Visa, i cili tundi rrejtën e Ederson, që në minutën e parë të sfidës, mirëpo një super Erling Haland realizoi një dopietë të shpejtë në minutat 19 dhe 32, duke siguruar fitoren për djemtë e teknikut Pep Guardiola.
Ndërkaq, tre përballjet e tjera të orës 16:00 u ndalën në barazime, më konkretisht sfida Brajton-Ipsuiç u mbyll në shifrat 0-0, përballja Kristal Palas-Leister, në shifrat 2-2, ndërsa përplasja e Londrës mes Kristal Palas dhe Uest Hem përfundoi me rezultatin 2-2.
Lini një Përgjigje