FLASH
Shkruar nga Pamfleti
Interi është kampioni më i ri i Serisë A, duke fituar zyrtarisht titullin e 20 pesë ndeshje para përfundimit të kampionatit.
Zikaltërit mposhtën Milanin 1-2 dhe tani kanë 86 pikë, 17 më shumë se ndjekësi i tyre më i afërt që është Milani.
Meritë për titullin e Interit padyshim që ka edhe mesfushori shqiptar, Kristjan Asllani që po kalon vitin e tij të dytë me fanelën zikaltër.
Asllani ka qenë pjesë e rëndësishme e këtij Interi, teksa bëhet futbollisti i parë shqiptar që ka fituar titullin kampion në Serinë A me fanelën e Interit.
Futbollisti i parë shqiptar që ka fituar titullin në Serie A, është i ndjeri Naim Kryeziu nga Gjakova.
Ai kishte luajtur për tetë vite me Romën, ndërsa kishte fituar titullin e parë në historinë e skuadrës italiane në sezonin 1941-1942.
Futbollisti i dytë shqiptar që ka fituar titullin në Serinë A, është sulmuesi Xhakomo Vrioni, aktualisht në MLS te New England Revolution. Vrioni ishte pjesë e Juventusit në sezonin 2019-2020, ku luajti një ndeshje dhe u shpall kampion i Italisë.
Ndërkohë futbollisti i tretë shqiptar që ka fituar titullin është Amir Rrahmani me Napolin. 30-vjeçari nga Prishtina u shpall kampion i Italisë me Napolin në sezonin 2022-2023 ku ishe nder futbollistët kryesorë të kësaj skuadre.
Lini një Përgjigje