FLASH
Shkruar nga Pamfleti
Aventura e Thomas Strakohës tek AEK-u i Athinës nuk ka nisur në mënyrën më të mirë të mundshme, me portierin e Kombëtares shqiptare që është bërë pjesë e disa gafave, gjë e cila ndodhi dhe në takimin kualifikues të Ligës së Konferencës, kundër armenëve të Noah.
Në minutën e 34, Strakosha gaboi në largimin e topit, duke ia dorëzuar atë futbollistit Pinson, i cili e shndërroi në gol, teksa barazoi shifrat në 1-1. Pjesa e parë përfundoi me këtë rezultat.
⚽️ Goal: Virgile Pinson | FC Noah 1-1 AEK Athens
— PushGoals (@PushGoals) August 6, 2024
Huge mistake! Strakoshapic.twitter.com/MizABVAXb6
Por nëse gafa e parë mund të harrohej, e dyta ishte padyshim e dhimbshme. Në minutën e 67, portieri kundërshtar Cancarevic goditi topin fortë nga porta e tij, që gjeti të papërgatitur Strakoshën, me topin që u ngrit sipër gardianit kuqezi dhe më pas përfundoi në rrjetë.
Në fund takimi përfundoi me rezultatin 3-1, duke ia bërë të vështirë kualifikimin AEK-ut në ndeshjen e kthimit.
Kjo e sotmja nuk ishte dita e Zhomas Strakoshës në Ligën e Konferencës. Dhe pse konsideroheshin favoritë, lojtarët e AEK-ut zhgënjyen në transfertë.
Për të vendosur se cila skuadër do kalojë në "play-off" do të luhet dhe takimi i kthimit javën e ardhshme. Pikërisht në Greqi, AEK do kërkojë të përmbysë rezultatin.
Lini një Përgjigje