FLASH
Shkruar nga Pamfleti
Partizani ndau rrugët me Orges Shehin dhe tashmë për drejtuesit e kuq ka nisur puna për gjetjen e një zëvendësuesi. Aktualisht në krye të skuadrës është Arbër Abilaliaj, i cili do të drejtojë ekipin deri sa të gjendet trajneri i ri.
Në fakt kryeqytetasit kanë nisur të “ëndërrojnë” për trajnerin kampion. Ilir Daja është objektivi kryesor i Gaz Demit, me palët që kanë një marrëdhënie të mirë mes tyre. Daja duket shumë afër mbylljes së ciklit të tij te Ballkani dhe në këto kushte do të ishte i mundshëm një rikthim në Superiore.
Partizani do të e priste krahëhapur, teksa timonieri kryeqytetas e njeh mjaft mirë ambientin, pasi 4 vite më parë ka provuar të jetë në krye të “Demave”. Eksperienca e fituar nga 57-vjeçari bën që te Partizani të tentojnë rikthimin, teksa në karrierën e tij, Daja ka drejtuar edhe Tiranën, Dinamon, Skënderbeun, Flamurtarin dhe Besën.
Në Superiore ka fituar titullin me Dinamon dhe Skënderbeun, teksa me këta të fundit ka fituar edhe Kupën e Shqipërisë. Por nga ana tjetër, flitet edhe për një rikthimi të Ilir Dajës te Dinamo, skuadër me të cilën e lidhin shumë gjëra.
Në këtë mënyrë duket se javët ardhshme do të jenë vendimtare për trajnerin që bëri bujë me rezultatet e arritura në krye të skuadrës së Ballkanit, të cilën mund ta kualifikojë për të tretin vit radhazi në fazën e grupeve në Kupat e Europës.
Lini një Përgjigje