FLASH
Shkruar nga Pamfleti
Sulmuesi i Kombëtares, Myrto Uzuni është bërë çështje te Granada për shkak se skuadra FC Austin nga MLS (SHBA) është e interesuar për shërbimet e tij.
Beratasi ka refuzuar të stërvitet me skuadrën e tij dhe kërkon rritje page. Lajmi është bërë i ditur nga “Marca”, por është konfirmuar edhe nga trajneri i Granadas, Fran Eskriba.
“Kur u kthyem nga pushimet ai erdhi dhe tha se nuk e shihte veten në gjendje të stërvitej dhe nëse nuk stërvitet nuk ka rëndësi. Ai vazhdon me atë pozicion që nuk dëshiron të stërvitet me skuadrën, nuk mund të detyroj askënd të stërvitet dhe nëse nuk e bën, nuk e llogaris”, deklaroi trajneri.
Uzuni është i lidhur me Granadan deri në verën e 2026 dhe këtë sezon ka shënuar 14 gola dhe ka dhuruar një asist në 18 ndeshje. Këto shifra e kanë kthyer atë në lojtarin më të mirë të Granadas dhe sulmuesi theu edhe rekorde duke u bërë golashënuesi më i mirë i klubit në histori.
Duket se sulmuesi kërkon terma të reja dhe rritje page në kontratë, gjë që ka sjellë edhe refuzimin e tij për t’u stërvitur.
Lini një Përgjigje