FLASH
Shkruar nga Pamfleti
Medon Berisha është një lojtar i cili pritet të lërë gjurmë në futbollin italian dhe nuk është rastësi që klubi i Leçes i ka besuar atij fanelën me numrin 10 të kësaj skuadre. Dhe mesfushori i Kombëtares shqiptare pak nga pak po tregon sa vlen me lojën, e tashmë edhe me golat e tij.
Sot për mesfushorin 22-vjeçar ka ardhur goli i parë në Serinë A, në ndeshjen që skuadra e Leçes luante në transfertë ndaj Udinezes e ku ai rreshtohej titullar përkrah Ylber Ramadanit.
Në minutën e 59 të takimit, gjyqtari akordoi një goditje dënimi në favor të Leçes dhe Berisha e mori përsipër atë. Ai harkoi topin në mënyrë perfekte mbi murin mbrojtës, duke befasuar portierin dhe shënuar golin që shkurtoi diferencën në 2-1.
Ky ishte goli i parë për mesfushorin në Serinë A, ku deri tani kishte dhënë dy asiste, një në sezonin e kaluar dhe një në atë aktual.
Lini një Përgjigje