FLASH
Shkruar nga Pamfleti
Izmir Smajlaj është shpallur i pafajshëm dhe tashmë mund t’i rikthehet aktivietetit të atletikës normalisht dhe rregullisht pas shkarkimit nga çdo akuzë e mëparshme. Më 9 dhjetor atij iu mohua kjo e drejtë, pasi bashkë me zyrtarët e federatës shqiptare të atletikës akuzoheshin se kanë manipuluar rezultatin e garës së 2021 në Tiranë që e dërgonte atë në Lojrat Olimpike të Tokios.
Megjithatë të njëjtin fat nuk kanë patur drejtuesit e federatës, presidenti Gjergj Ruli dhe Nikolin Dionisi. Gjykata Sportive për zgjidhjen e konflikteve në Nicë të Francës i shpalli fajtorë dhe i dënoi me respektivisht me 4 dhe 5 vite përjashtim.
Ndërkaq, ditën e mërkurë, më 19 maj Federata Shqiptare e Atletikës do të mbajë asambelën e jashtëzakonshme për zgjedhjen e strukturave të reja drejtuese e deri më tani nuk është bërë i ditur asnjë emër që mund të pozicionohet në vend të Gjergj Rulit e Nikolin Dionisit.
Kujtojmë se Smajlaj përveçse kampion kombëtar në 2017, u shpall edhe kampion Evropë në salla të mbyllura.
Lini një Përgjigje