FLASH
Shkruar nga Pamfleti
Al-Itihad e nisi në mënyrën më të mirë përballjen ndaj Al-Etifaq në javën e 33-të të Ligës së Arabisë Saudite, duke gjetur golin që në minutën e tretë të takimit.
Protagonist në aksionin e golit ishte mbrojtësi i Kombëtares shqiptare, Mario Mitaj, i cili dhuroi një asist të saktë nga krahu i majtë. Aksioni u finalizua nga Auar, që dërgoi topin në rrjetë pas një kombinimi të shpejtë dhe të mirëorganizuar të ekipit verdhezi.
Mbrojtja e Al-Etifaq u kap e papërgatitur në këtë episod, ndërsa Al-Itihad përfitoi menjëherë për të marrë avantazhin dhe për të kontrolluar ritmin e lojës.
Me këtë rezultat, Al-Itihad synon të ruajë pozitat në krye të renditjes. Pas 33 javësh kampionat, skuadra synon të konsolidojë vendin që siguron pjesëmarrjen në fazën kualifikuese të Champions League të Azisë, kompeticioni më prestigjioz për klube në kontinentin aziatik.
Lini një Përgjigje