FLASH
Shkruar nga Pamfleti
Napoli po përgatitet për ndryshime të rëndësishme në repartin ofensiv, teksa Lorenzo Luka duket gjithnjë e më pranë largimit nga klubi kampion i Italisë. Sulmuesi italian nuk ka bindur me paraqitjet e tij, duke mbetur nën pritshmëritë e stafit teknik dhe drejtuesve.
Për këtë arsye, klubi napolitan ka nisur kërkimet për një përforcim në sulm, me synimin për të ruajtur konkurrencën dhe nivelin e lartë si në Serie A, ashtu edhe në Champions League, përkrah emrave si Højlund dhe Lukaku.
Emri më i përfolur për momentin është ai i Youssef En-Nesyri, sulmuesi i Fenerbahçe, i cili po përfaqëson Marokun në Kupën e Afrikës. Profili i tij vlerësohet shumë nga Napoli, falë eksperiencës ndërkombëtare, fizikut dhe aftësisë për të shënuar gola vendimtarë.
Një tjetër pistë është Marcos Leonardo, sulmuesi brazilian i Al-Hilal, i cili ka shprehur dëshirën për t’u rikthyer në futbollin evropian. Në këtë rast, Napoli po shqyrton seriozisht mundësinë e një shkëmbimi me Lorenzo Lukan.
Gjithashtu, në listën e alternativave është edhe Jhon Duran i Fenerbahçe, një opsion që mund të konkretizohet gjatë merkatos dimërore.
Drejtuesit e Napolit synojnë të rindërtojnë sulmin pa investime të tepruara financiare, duke kombinuar cilësinë, konkurrencën dhe potencialin për të ardhmen, në një sezon ku objektivat mbeten maksimalë.
Lini një Përgjigje