FLASH
Shkruar nga Pamfleti
Pas Rei Manajt, ishte radha e Sokol Cikalleshit të shënonte në kampionatin turk ditën e sotme. Sulmuesi i Kombëtares shqiptare realizoi golin e radhës me Koniasporin, që po luan në fushën e vet kundër Adana Demirspor.
Edhe këtë herë goleadori kavajas shënoi nga pika e bardhë. Ishte minuta e shtatë kur Konia fitoi një penallti, të cilën sulmuesi kuqezi e shndërroi në gol. I dhjeti sezonal në kampionat për 32-vjeçarin.
Ndërkohë ka dhuruar edhe 5 asiste për Koniasporin. Paraqitje fantastike e kavajasit para ndeshjeve miqësore që do të luajë kombëtarja shqiptare gjatë muajit mars.
Lini një Përgjigje