FLASH
Shkruar nga Pamfleti
Liverpuli ka konfirmuar largimin e Arne Slot nga posti i trajnerit të ekipit të parë. Njoftimi u bë publik përmes një komunikate zyrtare të shpërndarë në rrjetet sociale të klubit anglez.
“Liverpuli konfirmon se Arne Slot largohet nga posti i trajnerit në mënyrë të menjëhershme dhe se tani ka nisur kërkimet për trajnerin e ri. Ai largohet me një titull të fituar në Premier Ligë dhe me mirënjohjen dhe vlerësimin më të madh”, thuhet në deklaratën e klubit.
Liverpool FC can confirm Arne Slot is to depart his role as head coach with immediate effect and that the process to appoint a successor is under way.
— Liverpool FC (@LFC) May 30, 2026
He leaves with a Premier League title to his name and our deepest gratitude and appreciation.
Sipas raportimeve të tabloidit britanik “Daily Mail”, drejtuesit e Liverpulit kanë marrë vendimin pas një analize të detajuar të sezonit të sapopërfunduar. Burimi në fjalë pretendon se renditja e skuadrës në vendin e pestë dhe bilanci prej 20 humbjesh gjatë sezonit kanë ndikuar në vendimmarrje.
Po sipas të njëjtit raportim, pakënaqësi kanë shfaqur edhe disa prej lojtarëve kryesorë të ekipit, mes tyre Mohamed Salah, i cili tashmë është larguar nga klubi, lidhur me stilin e lojës së trajnerit holandez.
Ndërkohë, Liverpuli ka nisur punën për gjetjen e pasuesit të Slot. Emri që po përmendet më së shumti është ai i Andoni Iraolës. Trajneri spanjoll, i cili drejtoi Bërnmuthin drejt kualifikimit në Ligën e Europës, shihet si favoriti kryesor për të marrë drejtimin e “The Reds”.
Iraola ka qenë gjithashtu në qendër të spekulimeve për një kalim të mundshëm te Milani, si zëvendësues i Masimiliano Alegrit, por ky skenar duket se ka humbur terren. Aktualisht, tekniku spanjoll konsiderohet kandidati më i fortë për stolin e Liverpulit.
Lini një Përgjigje