FLASH
Shkruar nga Pamfleti
Dy rekorde të forta u përballën në Anfield, por vetëm Leeds doli me kënaqësi. Liverpool-i u ndal në një barazim pa gola, rezultat që ndonëse ruan ecurinë e pamposhtur në shtëpi, thekson limitet e skuadrës së Arne Slot ndaj kundërshtarëve të disiplinuar taktikisht.
Ishte barazimi i parë në 84 ndeshje për Liverpool-in nën drejtimin e Slot, një statistikë që bie në sy jo vetëm për ritmin e zakonshëm të “The Reds”, por edhe për mënyrën si Leeds arriti të neutralizonte sulmin e tyre. Jaka Bijol dhe Pascal Struijk ishin mur i pakalueshëm në prapavijë, ndërsa formacioni 3-5-2 i trajnerit Farke funksionoi për mrekulli.
Liverpool-i krijoi pak raste të pastra, ndërsa Leeds pati një moment të artë pas një gabimi të Alisson në pjesën e parë, por portieri reagoi menjëherë. Në fundin e ndeshjes, Calvert-Lewin mendoi se kishte dhuruar fitoren për miqtë, por goli u anulua për pozicion jashtë loje.
E vetmja ngushëllim për Liverpool-in mbetet arritja personale e Alisson Becker, që regjistroi “clean sheet”-in e tij të 100-të në Premier League me fanellën e kuqe. Ai bëhet portieri i pestë në historinë e klubit që kap këtë shifër, duke iu bashkuar emrave legjendarë si Clemence, Grobbelaar, Reina dhe Scott.
Lini një Përgjigje