FLASH
Shkruar nga Pamfleti
Leverkuseni më pranë kurorëzimit si kampion, “Aspirinat” vendosin rekord në historinë e klubit
Bajer Leverkusen vazhdon sezonin fenomenal, pa asnjë humbje. “Viktima” e radhës ishte Fraiburgu, ku të besuarit e Çabi Alonsos, arritën që t’i mundnin në transfertë me shifrat 3-2.
Për vendasit, autorët e golave ishin Doan në minutën e 10 dhe Keitel në minutën e 79. Ndërsa për Leverkusenin ishte Virtz që realizoi që në minutën e dytë të takimit, dhe më pas Hlozek në minutën e 40 dhe i përhershmi Patrik Shik në minutën e 53 thelloi rezultatin.
Me këtë triumf, Leverkusen vendos një tjetër rekord personal. Asnjëherë me parë “aspirinat” nuk kishin mundur të fitonin 22 ndeshje në kampionat. Një tjetër arritje e jashtëzakonshme për klubin, që do ta kujtojë për një kohë të gjatë këtë sezon.
Lini një Përgjigje