FLASH
Shkruar nga Pamfleti
Kukësi ka mposhtur Vllazninë me shifrat 2-0 në ndeshjen e vlefshme për javën e 28 në Abissnet Superiore duke i ndalur shkodranët pas 5 fitoreve radhazi në kampionat.
Pjesa e parë u mbyll pa gola, pasi asnjëra prej skuadrave nuk arriti të finalizonte si duhet.
Ndërsa në pjesën e dytë ndryshoi gjithçka për Kukësin. Salami e nisi me gol por iu anulua pas një prekje të topit me dorë.
Sot ishte dita me fat për sulmuesin moldav, Nikolai Solodovnikov. Ai u zhbllokua duke gjetur golin e parë në minutën e 72 dhe 7 minuta më vonë dyfishoi shifrat duke i hequr shansin e artë Vllaznisë për t’i marrë kreun Egnatias.
Me këtë fitore, Kukësi mbetet në vendin e fundit por ngushton diferencën me Erzenin e vendit të 9.
Lini një Përgjigje