FLASH
Shkruar nga Pamfleti
Kristian Shpendi ka qenë i pafat sot, teksa ka lënë ndeshjen e Serisë B, Çezena-Kozenca, pa u mbushur 30 minuta lojë.
Gjatë një dueli ajror, sulmuesi i cili aktualisht është golashënuesi më i mirë i kampionatit me 10 gola të shënuar, ra keq dhe dëmtoi kaviljen e majtë. Ndonëse u pa menjëherë se ishte diçka serioze, për shkak të dhimbjeve që ndjente lojtari, ai tentoi të kthehej në lojë, por e kishte të pamundur.
Ndaj u detyrua të largohej nga fusha i përlotur, mes duartrokitjeve të tifozëve të cilët e kanë parë atë si protagonistin kryesor të ekipit të tyre në dy sezonet e fundit.
Tani pritet të mësohet shkalla e dëmtimit të lojtarit dhe sa do të mungojë në fushat e lojës.
Lini një Përgjigje