
Serxho Konseisao i është gëzuar fitores së parë në Serinë A në drejtimin Milanit, teksa ka parë skuadrën e tij të triumfojë jo pa vuajtje në transfertë përballë Komos.
Sfida e zhvilluar në stadiumin “Giuseppe Sinigaglia”, përfundoi 1-2 në favor të kuqezinjve.
Këta të fundit fituan me përmbysje, pasi Komo shënoi golin e parë të sfidës me Diao në minutën e 60. Por “Djalli” përmbysi gjithçka me golin e Teo Hernandez në minutën e 71 dhe të Leaos 5 minuta më vonë.
Me këtë fitore, Milani shkon në kuotën e 31 pikëve, duke u afruar me 5 pikë me zonën Champions. Madje kuqezinjtë kanë një ndeshje më pak se Lacio e vendit të katërt.
Lini një Përgjigje