Asamblea e Përgjithshme Zgjedhore e FSHF-së zgjodhi anëtarët e Komitetit Ekzekutiv, ndërsa më herët konfirmoi Armando Dukën si kreun e federatës, një pozicion që e mban prej vitit 2002.
Anëtarët e Asamblesë votuan listën e të besuarve të Dukës për Komitetin Ekzekutiv.
Pas votimeve u zgjodhën Anila Basha, Armand Cungu, Blendi Fevziu, Edmond Hasanbelli, Erind Resuli, Geri Çipi, Lufti Nuri, Envi Hicka, Gjergji Petro dhe Pano Xhixho.
Nga gara u tërhoqën Abdyl Kuriu dhe Arben Dervishaj, të cilët prej vitesh kanë qenë në Komitetin Ekzekutiv.
Dervishaj në mandatin e fundit ka qenë edhe zëvendëspresident i FSHF-së.
Anëtarët e zgjedhur
Anila Basha 47 vota
Armando Cungu 43 vota
Blendi Fevziu 40 vota
Edmond Hasanbelli 44 vota
Envi Hicka 38 vota
Erind Resuli 42 vota
Geri Çipi 41 vota
Gjergji Petro 27 vota
Lutfi Nuri 43 vota
Pano Xhixho 33 vota
Lini një Përgjigje