FLASH
Shkruar nga Pamfleti
Edhe pse rezultatet në Lojërat Olimpike Dimërore “Milano-Cortina 2026” nuk ishin në nivelin e pritshmërive, Lara Colturi e ka përjetuar eksperiencën me sportivitet. Skiatorja që përfaqëson Shqipërinë ka theksuar se pjesëmarrja në këtë event madhor përbën një hap të rëndësishëm në karrierën e saj.
Në një intervistë për “Olimpics.com”, Colturi u ndal edhe te lidhja me nënën e saj, Daniela Ceccarelli, kampione olimpike në super-sllallom në Lojërat e Salt Lake City 2002. Ajo u shpreh krenare për trashëgiminë sportive që mbart.
“Këto janë Lojërat e para Olimpike Dimërore për mua, nëse do të heqim atë që kam bërë në barkun e mamasë sime. Tani kanë ndryshuar gjërat. Më parë unë njihesha si vajza e Ceccarelli-t, e cila fitoi medaljen e artë në 2002, tani ajo është mamaja e një garueseje në Lojërat Olimpike Dimërore”, deklaroi Colturi.
Pavarësisht rezultateve, skiatorja shqiptare e konsideron pjesëmarrjen në “Milano-Cortina 2026” si një moment të rëndësishëm personal dhe profesional, duke nënvizuar krenarinë për familjen dhe përfaqësimin e saj në arenën ndërkombëtare.
Lini një Përgjigje