FLASH
Shkruar nga Pamfleti
“Bardhezinjtë” e Juventus kanë arritur të fitojmë me rezultatin e thellë, 0 me 3, transfertën e “Via del Mare”, aty ku mposhtën, në kuadër të javës së 21-të të kampionatit italian, të futbollit, Serie A, për të bërë kështu një ndryshim goxha të madh, në renditjen e skuadrave.
Të besuarit e Max Allegrit kanë grumbulluar 52 pikë, 1 pikë më shumë se Interi i vendit të dytë, që ka ende për të luajtur një sfidë.
“Zonja e Vjetër” e filloi “zjarr” ndeshjen, duke iu afruar golit që në minutat e para. Gjithsesi, bardhezinjtë nuk ishin të saktë para porte, duke shpërdoruar kështu mundësi të mira.
Vendasit provuan të “ngacmonin” portën kundërshtare. Edhe pse fare pranë kuadratit, sulmuesi malazez Nikola Krstovic nuk u koordinua si duhet, me topin që përfundoi jashtë.
Në minutën e 21-të, një krosim shumë i rrezikshëm nga krahët s’u arrit dot as nga Vlahovic, as nga Kostic. Të besuarit e D’Aversa-s u bënë “mur” para porte dhe nuk lejuan hapësira.
Me kalimin e kohës, ritmi i lojës ra. Sfida u zhbllokua në të 60-tën, pas një lëvizje të bukur të Vlahovic, i cili realizoi gol për torinezët. Sulmuesi serb i dhuroi edhe golin e qetësisë Juves, në të 68-tën. Në fund, pati kohë edhe për Bremer. Titullar në këtë takim për Leccen ishte edhe mesfushori shqiptar, Ylber Ramadani.
Lini një Përgjigje