FLASH
Shkruar nga Pamfleti
Juventusi ka zyrtarizuar këtë të premte rinovimin e kontratës me trajnerin Luçiano Spaleti deri në verën e vitit 2028. Njoftimi, i pritur prej javësh, u publikua në mënyrë diskrete përmes rrjeteve sociale të klubit, i shoqëruar me një mesazh të trajnerit drejtuar skuadrës.
Sipas marrëveshjes së re, Spaleti do të përfitojë një pagë sezonale mbi 5 milionë euro, nga rreth 3 milionë që merrte aktualisht, me mundësi rritjeje deri në 6 milionë euro nëpërmjet bonuseve. Me këtë kontratë, ai renditet ndër trajnerët më të paguar në Serinë A, në të njëjtin nivel me Masimiliano Alegrin dhe Xhian Piero Gasperinin, ndërsa Antonio Konte mbetet në krye me 8 milionë euro në sezon.
Mbështetje për projektin sportiv
Zgjatja dyvjeçare e kontratës shihet si një shenjë e qartë besimi nga drejtuesit e klubit ndaj Spaletit. Që prej emërimit të tij më 30 tetor 2025, trajneri ka arritur të rikthejë stabilitet dhe identitet në lojën e Juventusit. Ekipi ka grumbulluar 42 pikë në 22 ndeshje kampionati, duke u renditur në vendin e katërt.
Pronari i Juventusit, Xhon Elkann, kishte vlerësuar më herët ndikimin e trajnerit, duke theksuar se ai ka sjellë “energji të re në dhomën e zhveshjes” dhe ka rikthyer “urinë dhe vendosmërinë për të fituar”.
Deklaratat zyrtare
Drejtori ekzekutiv i klubit, Damien Komoli, konfirmoi kënaqësinë e drejtuesve për vazhdimin e bashkëpunimit:
“Jemi të kënaqur që kemi zgjatur kontratën e Luçianos edhe për dy sezone të tjera. Që nga ardhja e tij, ai ka pasur një ndikim të menjëhershëm dhe shumë pozitiv në ekip dhe në të gjithë klubin.”
Komoli shtoi se Spaleti konsiderohet figura e duhur për të udhëhequr projektin sportiv të Juventusit, duke nënvizuar se “stabiliteti dhe vazhdimësia janë thelbësore për suksesin e ardhshëm”.
Objektivat
Me këtë rinovim, Juventusi synon të ndërtojë një skuadër konkurruese për titullin kampion, pas një periudhe gjashtëvjeçare pa trofe në Serinë A.
I primi a saperlo. La squadra sempre prima di tutto.
— JuventusFC (@juventusfc) April 10, 2026
Spalletti 2028 - si inizia da qui ⚪️⚫ pic.twitter.com/1aJWuReyoU
Lini një Përgjigje