FLASH
Shkruar nga Pamfleti
Italia do të jetë kundërshtari i parë i Shqipërisë në Eurpianin “Gjermani 2024”, teksa të kaltrit e Spaletit kanë kryer edhe seancën e parë stërvitore në tokën gjermane.
Seanca ka qenë e hapur dhe është ndjekur nga një numër i konsiderueshëm italianësh, të cilët në fund kanë bashkëbiseduar edhe me trajnerin Spaleti.
Por kur kanë mbetur edhe katër ditë nga përballja me Shqipërinë e Silvinjos, Spaleti nuk mund të qëndrojë plotësisht i qetë, pasi mesfusha është reparti që ia prish jo pak gjumin.
Nikolo Barela është prej ditësh i dëmtuar dhe pavarësisht optimizmit të mjekëve, duket e vështirë që t’ia dalë të luajë ndaj kuqezinjve mbrëmjen e së shtunës në Dortmund.
Ndërkohë, në seancën e së martës në Iserlohn, nuk janë stërvitur me skuadrën as Nikolo Faxhioli i Juventusit dhe Davide Fratezi i Interit.
Të dy kanë shfaqur probleme fizike, pro nëse për Fratezin nuk duket asgjë shqetësuese, krejt ndryshe është situata e Faxhiolit.
Ky i fundit vjen pas një pezullimi të gjatë disa mujor dhe nuk ka ritmin e ndeshjeve, ndaj dëmtimi mund t’i ndikojë jo pak në formën fizike dhe gjasat që të luajë ndaj Shqipërisë, janë pakësuar ndjeshëm edhe për të.
Lini një Përgjigje