FLASH
Shkruar nga Pamfleti
Është e sigurt se gjatë ditës së sotme dhe nesërme, çdo automjet nga Serbia do të ndalohet për një kontroll shtesë në hyrje të Gjermanisë, pasi në Lajpcig pritet të mbërrijnë disa mijëra tifozë të Crvena Zvezdas, për ndeshjen e Champions League mes dy klubeve.
Një stacion policie rreth pesë kilometra larg kufirit, pret pranë autostradës. Targat serbe në autobus ishin sinjal për policët për ta drejtuar automjetin në parking.
Dy oficerë policie kanë hyrë në autobus dhe kanë ekzaminuar dhe skanuar tërësisht dokumentet e secilit pasagjer. Ata ndaluan të gjitha automjetet që vinin nga Serbia, si dhe kontrolluan makinat e pasagjerëve, u interesuan se çfarë ka në bagazhin dhe vetë automjetin.
“Policët u sollën profesionalisht, nuk folën shumë me pasagjerët, bënë punën e tyre, na përshëndetën dhe na uruan udhëtim të mbarë në Lajpcig. Ata nuk kanë inspektuar bunkerin e autobusit dhe as kanë insistuar të shohin sendet e pasagjerëve. I gjithë ekzaminimi zgjati jo më shumë se 30 minuta,”- rrëfen një nga gazetarët serb, që ishte në autobuzin me siglën e Crvena Zvezdës.
“Në vetë postbllok ndodheshin rreth 20 persona me uniformë, me jelekë fluoreshentë të dukshëm dhe një duzinë automjetesh policie. Disa nga policët mbanin gjithashtu maska të zeza në fytyrë dhe mbanin tuba të gjatë.
Me hyrjen në Hungari dhe Çeki, delegacioni ynë nuk ka pasur asnjë kontroll, ndërsa me të hyrë në Sllovaki, dy policë kanë hyrë në autobus, kanë kontrolluar pasaportat dhe kanë përshëndetur gazetarët serbë dhe personelin e sigurimit nga Zvezda me “fat të mbarë”.
Javët e fundit, niveli i situatës së sigurisë në vendet e Bashkimit Evropian është ngritur në nivelin më të lartë për shkak të sulmit terrorist në ndeshjen kualifikuese të Evropës në Bruksel ndërmjet Belgjikës dhe Suedisë. Atje një terrorist vrau dy tifozë suedezë dhe plagosi rëndë njërin. Pikërisht për këtë arsye kontrollet në kufijtë e vendeve të BE-së janë më të shpeshta se më parë.
Lini një Përgjigje