FLASH
Shkruar nga Pamfleti
Sulmuesi i Kosovës dhe Lilës, Edon Zhegrova, ka qenë në qendër të vëmendjes këtë verë, pavarësisht se nuk ka luajtur për tetë muaj.
Yllit dardan iu dha së fundmi një pasaportë shqiptare, e cila – sipas mediave shqiptare dhe italiane – do të lehtësojë transferimin e tij te Juventusi.
Transferimi i Zhegrovës te bardhezinjtë është i bllokuar, pasi duhet të shesë fillimisht 1-2 futbollistë për të kryer transferimin dhe ofertën te Lilës.
Akordi mbi kontratën e sulmuesit të Kosovës është arritur disa ditë më parë.
Marrja e pasaportës shqiptare nuk ndikon në angazhimin e tij aktual me përfaqësuesen e Kosovës, por i jep atij të drejtën për të lëvizur dhe vepruar si shtetas shqiptar, përfshirë përfitimet ligjore dhe praktike që lidhen me shtetësinë e Shqipërisë, si në aspektin e udhëtimit ashtu edhe atë të përfaqësimit të interesave personale e profesionale.
Kjo ndodh sepse lojtarët shqiptarë nuk konsiderohen më të huaj sipas rregulloreve të Federatës Italiane të Futbollit.
Dje, vetë Zhegrova postoi një foto në rrjetet sociale, duke njoftuar se kishte marrë pasaportën shqiptare.
Ndërkohë, ylli i Kosovës postoi sot një foto të pasaportës së tij në Instagram, duke e shoqëruar atë edhe me himnin kombëtar shqiptar.
Lini një Përgjigje