FLASH
Shkruar nga Pamfleti
Sherif Kallaku dhe Isnik Alimi, ishin protagonistë pasditen e sotme te skuadra rumune e Sepsit, në triumfin 3-0 të arritur ndaj Botosanit.
Mesfushori nga Fushë-Kruja dhuroi asistin e golit të parë në minutën e 10, teksa Debeljuh, nuk fali duke tundur rrjetën. Në minutën e 63, ishte radha e Isnik Alimit, shqiptarit që aktivizohet me Maqedoninë e Veriut, i cili nga pika e bardhë e penalltisë, dyfishoi shifrat.
Për golin e tretë, që vulosi edhe sfidën mendoi Oberlin në minutën e 87. Për Kallakun ky ishte asisti i parë në këtë sezon të ri. Ndërsa edhe për Alimin goli i shënuar sot ishte i pari në këtë edicion me Sepsin.
Lini një Përgjigje