FLASH
Shkruar nga Pamfleti
Marash Kumbulla më në fund po bëhet gati të kthehet në fushën e lojës. Mbrojtësi i Kombëtares shqiptare nuk sheh tapetin e gjelbër që nga ajo ndeshje fatkeqe me Milanin, ku një përplasje me Olivier Zhiru i solli dëmtimin në ligamentin krocat të gjurit të djathë. Por duket se ka dritë në fund të tunelit për 23-vjeçarin.
Sipas “Il Corriere Dello Sport”, mbrojtësi ka filluar të rrisë intensitetin e stërvitjeve në periudhën e fundit dhe shumë shpejt do të vazhdohet plotësisht me grupin e futbollistëve nën urdhrat e Murinjos. Por trajneri portugez mendon se për të qenë i gatshëm, duhet që Kumbulla të fitojë edhe një herë ndjesitë e fushës së lojës.
Për këtë arsye, brenda këtij muaji planifikohet që hapi i parë drejt kthimit të plotë për futbollistin të jetë një ndeshje me të rinjtë e Romës. Aty Murinjo do të vlerësojë gjendjen e lojtarit dhe të vendosë nëse ai do të jetë gati për t’u kthyer në një alternativë për prapavijën e skuadrës së tij, ku duhet kontributi i mbrojtësit shqiptar dhe për shkak të situatës së vështirë që po kalon Roma me dëmtimet e futbollistëve të ndryshëm.
Lini një Përgjigje