FLASH
Shkruar nga Pamfleti
Borusia e Dortmundit koleksionon fitoren e dytë radhazi në Bundesligë. Verdhezinjtë mundën 0-4 Këlnin, në ndeshjen e vlefshme për javën e 18. Pjesa e parë u mbyll me avantazhin e një goli. Një skemë perfekte u shndërrua në gol nga Doniell Malen, i cili u shërbye tokazi prej Brand, nga goditja e këndit.
Të besuarit e Terziç vendosën 3 pikët në kasafortë në minutën e 58, teksa siguruan fitoren me golin e Fulkrug, nga pika e bardhë e penalltisë. Malen kompletoi dopietën, pak minuta më vonë. Jusufa Mukoko shënoi emrin në listën e golashënuesve, me golin e tij në fund.
Dortmundi fiton pozicione të rëndësishme në tabelë, tani renditet në vendin e pestë me 33 pikë. Këlnni renditet në vendin e parafundit.
Lini një Përgjigje