FLASH
Shkruar nga Pamfleti
Organizimi i Botërorit për Klube, madje përfshirja në vetë të parë mbi mbarëvajtjen e turneut, duket se e ka bërë Donald Trump një tifoz futbolli. Jo “Soccer” siç do ta quanin të gjithë bashkëatdhetarët e tij amerikanë, por futboll.
Kjo konfirmohet nga ideja e fundit e presidentit Trump, që mund të kthehet në një urdhër ekzekutiv. Ashtu si gjithë pjesa tjetër e botës, ashtu si ai tani edhe amerikanët duhet ta quajnë tani futboll.
“Unë mendoj se mund ta bëjmë këtë. Unë them se duhet ta bëjmë këtë. Ata e quajnë këtë futboll, ne e quajmë “Soccer”, por është e lehtë që kjo të ndryshojë. Gjithsesi është i bukur për t’u parë”.
Këto deklarata, që pritet të hapin debate në SHBA, ku futboll quhet me fanatizëm vetëm ai amerikan, vijnë pak ditë nga mbyllja e Botërorit për Klube. Donald Trump e ndoqi finalen në tribunë, ndërsa i dorëzoi edhe trofeun e fituesit Çelsit, duke u bërë protagonist gjatë ceremonisë.
Në verën e ardhshme, Shtetet e Bashkuara të Amerikës, bashkë me Kanadanë dhe Meksikën do të organizojnë finalet e Kupës se Botës 2026.
Lini një Përgjigje