FLASH
Shkruar nga Pamfleti
Anderlehti në këtë sezon nuk do të luajë në fazën në grupe të kompeticioneve europiane dhe “meritën” për këtë e kanë portierët shqiptarë. Skuadra e drejtuar nga Besnik Hasi ka parë veten të dalë fillimisht nga Liga e Europës dhe pastaj nga Liga e Konferencës pas përballjeve me portierët e Shqipërisë, Etrit Berisha dhe Thomas Strakosha.
Haken i Berishës eliminoi me penallti Anderlehtin me portierin shqiptar si protagonist në Ligën e Europës. Më pas, rregullorja e turneut çoi klubin belg në Ligën e Konferencës, ku fati e vendosi përballë AEK-ut të Thomas Strakoshës.
Portieri ishte protagonist absolut me pritjet e tij në të dy ndeshjet, si në barazimin 1-1 në Belgjikë, ashtu edhe në fitoren 2-0 të grekëve në shtëpi në duelin e sotëm, që i dha kualifikimin ekipit të qytetit të Athinës. Kurse për Anderlehtin, vjen një tjetër sezon pa lavdi europiane, në projektin e Hasit që nuk ka nisur në mënyrën më të mirë të mundshme.
Lini një Përgjigje