FLASH
Shkruar nga Pamfleti
Një incident me tone të larta tensioni ka shoqëruar përfundimin e ndeshjes mes Interit dhe Atalantës në fundjavë, ku në qendër të ngjarjes u gjend edhe kapiteni i Kombëtares shqiptare, Berat Gjimshiti.
Sipas raportimeve, situata u përshkallëzua menjëherë pas vërshëllimës përfundimtare. Zëvendës-trajneri i Interit, Aleksandër Kolarov, hyri në fushë për t’i kërkuar shpjegime arbitrit lidhur me vendimet gjatë ndeshjes.
Në këtë moment, Kolarov pati një kontakt fizik me mesfushorin e Atalantës, Marten de Run, duke e shtyrë atë. Reagimi i menjëhershëm i lojtarit të Atalantës solli ndërhyrjen e Gjimshitit, i cili fillimisht u përpoq të qetësonte situatën dhe të ndante palët.
Megjithatë, situata nuk u shua. Mes Gjimshitit dhe Kolarov nisën përplasjet verbale që rrezikuan të ktheheshin në konflikt fizik. Ndërhyrja e lojtarëve dhe stafit të të dyja skuadrave shmangu një përshkallëzim të mëtejshëm në fushë.
Raportohet se mbrojtësi shqiptar nuk u tërhoq nga debati dhe, para largimit drejt dhomave të zhveshjes, i ka bërë thirrje Kolarovit për një përballje të drejtpërdrejtë jashtë fushës.
Lini një Përgjigje