FLASH
Shkruar nga Pamfleti
Ish-lojtari i Realit të Madridit dhe Milanit, Robinjo mund të jetë arratisur në Brazil, vendlindjen e tij, pas marrëveshjes së arritur mes qeverisë së gjigantit të Amerikës së Jugut dhe Italisë që ai të përmbushë në vendin e tij 9 vjet burg për përdhunim që akuzohet në vendin transalpin.
Lajmi është publikuar këtë të premte nga gazeta argjentinase “Olé”. Sipas këtij mediumi, kur zyrtarët ligjorë shkuan për të gjetur Robinjon për t’ju informuar për marrëveshjen mes Ministrisë Publike Federale të Brazilit dhe drejtësisë italiane, ata nuk e gjetën atë në asnjë nga tre adresat e dhëna më parë nga lojtari në Polici. “Olé” shtoi se disa dëshmitarë konfirmuan se disa ditë më parë ai nuk i ka lënë të shohin vendet që frekuenton deri më tani.
Dënimi që rëndon për Robinjon në Itali shënohet në fillim të vitit 2022, në përfundim të gjyqit për përdhunim në grup të një vajze shqiptare në Milano në vitin 2013. Ish-lojtari qendroi në Brazil, ku nuk ka marrëveshje ekstradimi me Italinë, për të shmangur burgimin.
Megjithatë, marrëveshja mes autoriteteve të të dy vendeve për ta bërë Robinjon të vuante dënimin në shtetin e Amerikës së Jugut ndryshoi rrënjësisht perspektivën për ish-futbollistin, i cili do të vendosë rrugën e mesme për të vazhduar t’i shmanget drejtësisë.
Lini një Përgjigje