FLASH
Shkruar nga Pamfleti
Nuk ka më vend për dyshime, tani gjithçka është zyrtare!
Prej kohësh Shakira dhe Lewis Hamilton po përfliten për një lidhje mes tyre e këto thashetheme janë përforcuar akoma më shumë, pasi këngëtarja u shfaq sërish duke mbështetur pilotin e Formula 1, teksa garonte.
Hamilton dhe Mercedesi ndodheshin në Britani këtë fundjavë, ku garuan në Çmimin e Madh të Britanisë.
Mes shumë të ftuarve të tjerë, kamerat fokusuan në një moment dhe këngëtaren, e cila në fakt ndodhej krah babit të pilotit, duke parë garën së bashku me të nga garazhi i skuadrës britanike.
Duket se mbështetja e partneres së tij i ka ardhur në ndihmë Lewis, i cili arriti të ngjitej dhe në podium në përfundim të garës.
Kujtojmë se Shakira është ndarë nga Gerard Pique, me të cilin ka dy fëmijë. Ndarja e tyre është ende ‘kryefjalë’ në mediat botërore. Një pretendent tjetër për të fituar zemrën e Shakirës ishte edhe Tom Cruise, por duket se kolumbiania ka zgjedhur kampionin e Formula 1.
Oh, hey Shakira ???? #BritishGP pic.twitter.com/9YeXhbkEWp
— Sir Lewis Updates (@LH44updates) July 9, 2023
Lini një Përgjigje