FLASH
Shkruar nga Pamfleti
Aktori Nicolas Cage nuk është ndjerë kurrë një person normal. Kur ishte më i ri, ai mendonte se ishte alien. Madje, ishte çuditur pa masë kur mjekët i kishin thënë se i ka të gjitha organet e parametrat e trupit si çdo njeri tjetër.
“U trondita ditën kur shkova te mjeku si fëmijë dhe kuptova se kisha organe normale dhe një skelet normal, sepse isha i sigurt se isha një alien.”- ka treguar aktori.
Cage është i hapur për teoritë e çuditshme, ndërsa ka pranuar më herët se kur ishte më i ri, kishte probleme në komunikim.
“Babai im më tha se ndjehej sikur duhej të prezantohej sa herë që fliste me mua, sepse unë isha shumë i huaj. Kisha vështirësi në lidhjen me njerëzit e tjerë. Kur pashë David Bowie në “Njeriu që ra në tokë”, e kuptova se duhej të bëja diçka. Kështu u bëra aktor”.
Një tjetër çudi e aktorit është fakti që ka treguar se kujtimet e tij kanë nisur që kur ishte në barkun e nënës.
“E di që kjo tingëllon shumë surreale dhe nuk e di nëse është e vërtetë apo jo, por ndonjëherë mendoj se mund të kthehem në mitër dhe të ndihem sikur mund të shoh fytyra në errësirë apo diçka tjetër. Tani që nuk jam më në mitër, më duhet të imagjinoj se ndoshta ishin dridhjet vokale që më rezonuan në atë fazë. Kjo shkon shumë prapa. Nuk e di. Kjo është ajo që më vjen në mendje. As nuk e di nëse mbaj mend që isha në bark, por ai mendim më kaloi në mendje”.
Lini një Përgjigje