FLASH
Shkruar nga Pamfleti
Mimoza Ahmeti vijon të mbetet një nga personazhet më të komentuar dhe më të dashur të këtij edicioni të “Ferma VIP 3”. Me karakterin e saj të veçantë, batutat spontane dhe çiltërsinë në sjellje, ajo është kthyer në një nga figurat më virale të rrjeteve sociale.
Megjithatë, përtej imazhit të saj publik në spektakël, ekziston edhe një anë më intime dhe më pak e njohur e jetës së poetes.
Mimoza Ahmeti ka qenë e martuar herën e parë me studiuesin dhe publicistin Aurel Plasari dhe nga kjo martesë kanë ardhur në jetë dy vajza, të cilat deri më tani nuk kanë qenë pjesë e vëmendjes publike.
Pikërisht kjo e bën edhe më të veçantë surprizën e tyre brenda reality show-t, kur ato i dërguan nënës së tyre një dron me mesazh mbështetës. Ky moment emocional preku jo vetëm poeten, por edhe publikun që po e ndjek spektaklin, duke zbuluar për herë të parë një dimension më të thellë familjar të saj.
Vajzat kanë ndjekur rrugë të ndryshme në jetë dhe kanë ndërtuar profile të pavarura dhe të suksesshme:
Eir është e lidhur me botën e artit, duke u marrë me shkrim, pikturë dhe muzikë, në një rrugëtim që reflekton qartë ndikimin krijues të nënës së saj.
Luka ka zgjedhur një drejtim krejt tjetër, atë të mjekësisë dhe rehabilitimit. Ajo është fizioterapiste e licencuar dhe jeton e punon në Kanada.
Ky moment në “Ferma VIP 3” solli në vëmendje jo vetëm figurën publike të Mimoza Ahmetit, por edhe rolin e saj si nënë, duke zbuluar për herë të parë vajzat e saj para një audience më të gjerë.
Lini një Përgjigje