FLASH
Shkruar nga Pamfleti
Historitë me parukierë pranë personazheve publikë nuk janë të reja, aq sa shpesh rikthehen në vëmendje edhe kur duket se janë harruar.
Por këtë herë, vëmendja është zhvendosur në një tjetër skenë: koncertin “Morricone”, të mbajtur më 9 maj në Ditën e Europës në Sheshin Italia në Tiranë, një event që solli në skenë muzikën e filmave më të njohur të kompozitorit legjendar Ennio Morricone, të interpretuar nga orkestra e RTSH.
Në një koncert, ku simbolika kulturore dhe institucionale duhej të ishte në qendër, vëmendja e protokollit duket se ka rrëshqitur në detaje të tjera më pak artistike.
Në rreshtin e parë, pranë Kryeministrit Edi Rama, u vu re edhe prania e drejtuesve të institucioneve të ndryshme, përfshirë përfaqësues të RTSH-së dhe zyrtarë të tjerë të rëndësishëm.
Mes tyre është përmendur edhe drejtoresha e RTSH-së Eni Vasili, e cila qëndronte në rreshtin e parë, në një pozicion që zakonisht i rezervohet figurave të larta shtetërore dhe kulturore.
Por ajo që ka ngjallur më shumë diskutim në rrjet është fakti se pranë saj është vënë re edhe një person nga stafi personal, e identifikuar në diskutimet online si parukiere, një detaj që ka ndezur ironi për mënyrën se si “hierarkia e rëndësisë” shpesh ngatërrohet me hierarkinë e afërsisë.
Në këtë panoramë ku ministrat, zv/ministrat dhe figura politike si Ogerta Manastirliu apo Valentina Leskaj ndodheshin në sallë, rrjetet sociale kanë komentuar me ironi faktin se ndonjëherë “rreshti i parë” nuk përcaktohet vetëm nga funksioni institucional, por edhe nga marrëdhëniet personale.
Në fund, koncerti “Morricone” duhet të kishte mbetur thjesht një homazh për muzikën e kinemasë botërore, por u kthye edhe në një pasqyrë të mënyrës se si funksionojnë gjërat në skenën publike shqiptare, ku shpesh nuk është vetëm detyra apo funksioni që përcakton vendin në rreshtin e parë, por edhe afërsia personale dhe hierarkitë e padukshme që krijohen rreth pushtetit. /Pamfleti
Sa mire qe e keni evidentuar, mendova se isha e vetmja qe e konstatoj! Te gjitha, kurdohere , ne cdo vend, te shoqeruara nga parukieret. aspak etike per personazhe publike, jo vetem te shfaqen, por te ruajne shoqeri te ngushte me parukieret. Ti shohesh instagramet e tyre, parukierja eshte personi te cilit i drejtohen me admirim tere kohes. E kam konstatuar kete ete Ilva Tare etj, e me vinte ti shkruaja. Ore vajza, mbajeni shume mire parukieret, por nuk eshte e domosdoshme t"i beni shoqe!
Po ne burg kush do ja beje Eni Vasilit kacurrelat?! Takim special me parukieren...interesante. Por nje gje eshte e sigurte qe koncerti i Morrikones, nuk i pershtatet formatit te MorriBuçes! Me apo pa parukieren me vehte.