FLASH
Shkruar nga Pamfleti
Neada Muçaj, ka shprehur hapur pakënaqësinë e saj lidhur me ndryshimet e fundit në programin e mëngjesit “Wake Up”, duke shigjetuar drejtpërdrejt zëvendësuesen e saj, Heidi Bacin.
Largimi i saj dhe i Enxhi Nasufit nga Top Channel erdhi pas konfliktit fizik mes dy vajzave në ambientet e televizionit, vend të cilin e zuri menjëherë ish-banorja e Big Brother.
Së fundmi, në faqen zyrtare të emisionit, një ndjekës ka lëshuar kritika të forta ndaj Blendi Salajt për këtë bashkëpunim.
“Një gazetar kaq i aftë e uli veten në komerc me Heidin që mezi lidh dy fjalë… nuk na vjen e keqja nga të paaftët, por nga të aftët që promovojnë injorancën,” shkruhej në koment.
Vëmendje mori fakti se vetë Neada e ka aprovuar këtë kritikë, duke i bërë “like” komentit në fjalë.
Ky gjest konfirmon qartë se marrëdhënia mes ish-stafit dhe drejtuesve të rinj të formatit mbetet e tensionuar dhe Neada nuk e ka kaluar lehtë zëvendësimin me Heidin.
Lini një Përgjigje