
Presidentja e Kosovës, Vjosa Osmani është takuar me kryeministrin britanik, Rishi Sunak në Komunitetin Politik Evropian.
Lajmi u bë i ditur nga deputetja britanike dhe njëkohësisht kryetarja e komisionit për politikë të jashtme e Britanisë së Madhe, Alicia Kearns.
Me anë të një postimi në Twitter, Kearns shkruan se Britania e Madhe ishte një nga vendet e para që njohën pavarësinë e Kosovës. Ajo shtoi gjithashtu se Britania duhet të vazhdojë të jetë shtet paqeruajtës në të gjitha forumet.
“E kënaqur të shikojë Rishi Sunak dhe presidenten e Republikës së Kosovës, Vjosa Osmani t’i takoj në Komunitetin Politik Evropian. Ne ishim një nga vendet e para që njohëm pavarësinë e Kosovës dhe si mik i Kosovës duhet të përqafojmë rolin tonë të vazhdueshëm si paqeruajtës në të gjitha forumet”, shkruan Kearns.
Pleased to see @RishiSunak and @VjosaOsmaniPRKS meet at the European Political Community.
— Alicia Kearns MP (@aliciakearns) June 2, 2023
We were one of the first countries to recognise Kosovo's independence, and as a friend to Kosovo we need to embrace our continued role as peace keeper in all fora. pic.twitter.com/YX1crDGPOb
Lini një Përgjigje