
Sot në Tiranë do të zhvillohet Samiti rajonal mbi Planin e Rritjes, ku u përfol se Kosova nuk do të jetë pjesëmarrëse.
Zëdhenësi i Qeverisë së Kosovës, ka konfirmuar se Kosova në samit do të përfaqësohet nga kryeministri Albin Kurti, i cili nuk do të marrë pjesë fizikisht, por do të marrë pjesë virtualisht.
Ai ka sqaruar se arsyeja janë angazhimet e kryeministrit të Kosovës. “Për shkak të angazhimeve të mëparshme, kryeministri i Kosovës, Albin Kurti nuk do të jetë i pranishëm fizikisht në Samitin e sotëm në Tiranë. Megjithatë kryeministri Kurti do të jetë pjesë e Samitit virtualisht përmes një video-adresimi”, tha Kryeziu.
Lini një Përgjigje