FLASH
Shkruar nga Pamfleti
Presidentja e Kosovës, Vjosa Osmani u është përgjigjur Shteteve të Bashkuara të Amerikës të cilët dënuan ndërhyrjen e Policisë në veri të Kosovës për të mundësuar që kryetarëve e ri të tri komunave veriore të hyjnë në institucionet komunale.
Me anë të një postimi në rrjete sociale, Osmani ka cituar nenin 2 të Kushtetutës së Kosovës ku thekson se sovraniteti i Kosovës është i pacënueshëm, prandaj mbrohet me të gjitha mjetet e përcaktuara me ligj.
Më tej, presidentja e Kosovës ka shtuar se veprimet e policisë ndaj bandave kriminale të Vuçiçit janë legjitime, pasi sipas saj ato bëhën në mbrojtje të qytetarëve. Osmani tha gjithashtu se qëndrueshmëria, jetëgjatësia dhe suksesi i këtyre veprimeve varen edhe nga koordinimi me aleatët që ishin dhe mbeten garantues të sovranitetit dhe pavarësisë sonë.
“Sovraniteti dhe integriteti territorial i Republikës së Kosovës është i pacenueshëm, i patjetërsueshëm dhe i pandashëm, ndaj mbrohet me të gjitha mjetet e përcaktuara me Kushtetutë dhe me ligj. (Neni 2 i Kushtetutës)
Veprimet e Policisë së Kosovës ndaj strukturave ilegale e bandave kriminale të Vuçiçit janë legjitime, në realizim të detyrave të tyre kushtetuese dhe në mbrojtje të të gjithë qytetarëve, pa dallim. Qëndrueshmëria, jetëgjatësia dhe suksesi i këtyre veprimeve varen njëkohësisht edhe nga koordinimi me aleatët që ishin dhe mbeten garantues të sovranitetit dhe pavarësisë sonë. Bashkë, jemi gjithnjë më të fortë!”, shkruan Osmani.
Lini një Përgjigje