FLASH
Shkruar nga Pamfleti
Më pak se 24 orë pas konstituimit të Kuvendit të Kosovës dhe votimit të Qeverisë së re, kabineti “Kurti 3” ka paralajmëruar zhvillimin e mbledhjes së parë.
Sipas njoftimit për media, mbledhja do të nisë në orën 10:00, ndërsa rendi i ditës nuk është bërë publik.
Një ditë më parë, Kuvendi i Kosovës u konstituua pas procesit të certifikimit të mandateve të deputetëve, të cilët bënë betimin përkatës.
Gjatë seancës u zgjodh kryetarja e Kuvendit dhe nënkryetarët, duke i hapur rrugë votimit të qeverisë së re. Kabineti i udhëhequr nga Albin Kurti mori votat e nevojshme në Parlament, duke shënuar nisjen e mandatit të tretë të tij në krye të ekzekutivit.
Me mbledhjen e sotme, pritet që qeveria e re të përcaktojë prioritetet e para të punës dhe të nisë procedurat për zbatimin e programit qeverisës.
Lini një Përgjigje