FLASH
Shkruar nga Pamfleti
Kosova ka shkuar në zgjedhje të parakohshme, pasi Presidentja Vjosa Osmani, vendosi shpërndarjen e Parlamentit, që dështoi të zgjedhë Presidentin e ri.
Osmani ka nisur negociatat me partitë politike lidhur me datën se kur mund të mbahen zgjedhjet, ndërsa Albin Kurti, kreu i Lëvizjes Vetëvendosje nuk ka preferuar të marrë pjesë.
Ramush Haradinaj, i dorëhequr nga drejtimi i AAK-së, e konsideroi mungesën e Kurtit në takimin me Presidenten Osmani, si një “shije të keqe”.
Lidhur me datën se kur mund të mbahen zgjedhjet, Haradinaj tha se 5, 12 dhe 19 prilli janë si opsione, por mund të ketë edhe datë tjetër.
“Adresimi në Gjykatë Kushtetuese është një fyerje në vete, tallje me proceset. Askush nuk i ka faj VV-së për sjelljen e tyre dhe kjo situatë është rezultat i tyre.
Sa i përket datave janë opsion datat prej 5, 12 dhe 19 prill. Mund të ketë edhe ndonjë datë tjetër varësisht prej zhvillimeve, ne nuk kemi datë të preferuar për shkak se e kuptojmë se jemi në auto-pilot, nuk ka më askush kompetenca, përveç Kushtetutës, dhomave kushtetuese dhe afateve kushtetuese dhe ne e respektojmë cilën do datë nga këto data”, tha ai pas takimit me Osmanin.
Lini një Përgjigje